{بحط قلبي بين ايدينكـ هديه}
للكــــ،،،ـاتب المبدع النيو مستر برهووووم
تعريف بالشخصيات الاساسيه
ــــــــــــــــــــــــــــــــــــــــ
الجده //فاطمه
الابناء// عبدالله , سعد , شيخه
عبدالله// صاحب شركه كبيره وزوجته عايشه مديره مدرسه وعندهم 4 عيال هم
عزام //37 سنه طيب وهااادي ومايحب المشاكل يشتغل مع ابوه في الشركه
زوجته صفاء وعندهم توام سامي ورامي 7 سنوات
عادل // 31 سنه دكتور: وسيم وأسمر.. وسماره ذباح.. عيونه غامضة.. بس فيها بريق خاص.:
ويعتبر احلى شباب العايله بس البنات مسمينه (العقده)لانه
مايعطيهم وجه
عمر//27 سنه طيار متزوج سميره وعندهم نواف 4 سنوات وساكن في جده
سجى//18 سنه ثالث ثانوي حلوة موت.. شعرها أسووود..
ويوصل لأسفل خصرها بشوي.. وطبيعته كيرلي.. وتشابه اخوها عادل
%%%%%%%%%%%%%%%%
الاخ الثاني سعد متوفي وزوجته ساره وعنده 3 عيال
عامر//25 سنه يشتغل في الاتصالات
سطام //22 سنه توه مخلص جامعه وينتظر التعيين عيبه الوحيد (العصبيه)
فواز//20 سنه ثاني جامعه فرفوش ويحب المزح والرجه
%%%%%%%%%%%%%%%%
شيخه //الاخت الوحيده متزوجه ولد عمها عواد وعندهم 3 عيال
اسامه//26 سنه مهندس معماري وعنده مكتب خاص
انهار//24 سنه مدرسه في روضه للاطفال
نهى //18 سنه ثالث ثانوي حلوه وعيونها الكحيلة سر جمالها حبوبه وجريئةومع سجى في نفس المدرسه
وباقي الشخصيات ستأتي لاحقاًً
%%%%%%%%%%%%%%%
تفتح عيونها على اصوات سيارات ورائحه دخان يملاء المكان ااى ااى راسي انا وين وشصار؟؟؟؟
تحاول تقوم ويوم رفعه راسها تشوف سياره محترقه 0 تجري بسرعه للسياره وهي تصرخ يبااااهـ
يماااهـ لآآآآآآآآ
وتحاول تقرب من السياره لكن فيه واحد مسكها
ابوحسين // يابنتي استهدي بالله السياره مولعه وين تروحين
وسن // تكفون طلعوهم يباااهـ يماااهـ آهـ ياربي مالي غيرهم
ام حسين // لآحول ولآ قوة الآ بالله يابنتي اذكري الله وتعاالي معنا
وسن وهي تحاول تفك نفسها من ام حسين بس تفقد توازنها وتطيح عالارض
وصل .{ الدفاع المدني } .. وحاولوا يطلعونهم من السياره لكن النار كانت اسرع منهم.
%%%%%%%%%%%%%%%%%%%%%%%%%
,."{.. فيً المًستشفُى ..} ".,
د.عادل// سبحان الله كيف نجيت هالبنت ما أدري
د. عصام // اي والله بسً مسكيينه كسرت خاطري تقول ماالهاا بهالدنيا غيرهم ...الله يعينها
د.عادل//ليش اللي جابها مايقرب لها ؟
د.عصام// لآ مآيقرب لها بس شاف الحادث وساعدهأ
د.عادل// تصدق ياعصام احس اني قد شفتها او تشبه احد اعرفهـ
د.عصام//الله عليكـ امداكـ تتمقل في البنت ؟؟
د.عادل// هههههههههه الله يرجً ابليسكـ لآ يروح فكركـ بعيد بس عشان الجرح اللي في خدها
د.عصام // اييييه انت اللي خيط لها الجرح ؟
د.عادل // ايه انا
د,.عصام //عسى بسٍ مايشوهها مسكينه
د.عادل // الجرح في خدها اكيييد بيكون له اثر
د.عادل// اقول يا أبو الشباب ...
د. عصام// هلآ ام الشباب هههههههههه
د.عادل// ههه ماتضحكـ اسمع : تراني بكره وبعده ماني مداوم
د.عصام// ليه عسى ماشر
د.عادل// ابد بس احس اني طفشت من وجهكـ خخخخخخ
د.عصام// من زين وجهكـ عاد
د.عادل// ههههههههههههههههههه
%%%%%%%%%%%%%%%%%
.":{..بيت ابو عزام ..} :".
الجده فاطمه // كااندي كااندي وصمخ
كااندي// نأم ماما كبير
الجده فاطمه // كبروا عليك وانتي جنازهـ
كااندي // انتي ايش يقول ماما ؟؟؟؟؟
الجدهـ فاطمه// لاحول اقول وين فطورري
كاندي // تيب ماما انا يجيب فتور الهين
نازل من على الدرج ويسمع جدته وهي تتحلطم
عادل //هههههههه وشفي الحلوهـ معصبه مع الصبح
الجده فاطمه // غريييبه من وين طالعه الشمس اليوم اشوفكـ في البيت ؟
عادل // افاا هذا وانا ماخذ اجازه عشان جدتي حبيبتي تقولين كذا
الجده فاطمه // فديت عيونكـ والله بسٍ ماني مصدقه التختور عادل يأخذ اجازه
عادل // هههههههه لآ صدقي
الجده فاطمه // وشلونكـ ياوليدي عساكـ بخير
عادل // بخير ياغاليه انتي بشريني عنكـ ؟
الجده فاطمه // آآآهـ والله اني تعبانه ياوليدي وزهقاااانه ماغير مقابله هالشغاله ,.
محد يعطيني وجه في هالبيت الآ هي
عادل // ههههههه جدوه قولي انك تبين بيت عمي سعد وخلصينا
الجده // هههههههه والله محد فاهمني غيرك ياولد عبدالله
عادل // ليه ياجده ، احد كدر خاطرك
الجده // لآ والله يايمه بس تعرف انا احب السواليف وسعه الصدر وهنا محد فاضي لي بس عند بيت عمك سعد
ساره تقعد معي وام علي وام سعود قراب منها
عادل // ايه قولي ام علي وام سعود من اول ههههههه
الجده // جاراتي واحبهم عندك شئ ياولد عويش
عادل //ههههههههههههه مادام فيها عويش مع السلامه
الجده // علىآ وينً ؟ تو الناس
عادل // برجع انام لي يومين مانمت زينً
الجده // نوم العوافي يايمه
%%%%%%%%%%%%%%%%%
( ( فيٌُ إلمدرسه ) )
نهى // بنات شفتو ابله عواطف وش لابسه ههههههه
ساميه // حرام عليك تراها طيبه
نهى // هههههههه خلاص مادام طيبه بندور غيرها هههههه
تجيهمً عبير ، ، ،
عبيرٍ // بنات ماشفتو سجى
البنات // لآ والله ماشفناها
عبير // غريبه وينهـآ ؟
ساميه // قبل شوي شفتها مع ناديه
عبير // اييييييشَ ؟ ناديه
ساميه // ايه ناديه وش فيك .؟
عبيرٍ // هـآهـ ؟ لآ لآ ولا شئَ ، وتروح عنهم وتدور سجى
%%%%%%%%%%%%%%%%%%%%%%
( ( في المستشفىآ ) )
يمر على المرضى ويوصل الغرفه رقم 242 ويفتح الباب بهدوء ويدخل ،
عادل // مسكينه محد سأل عنها ولا عن اهلها ! < ويقرب من السرير
وكانت نايمه ومبين على وجهها الحزن بس مع هذا كانت زي الملاك
عادلٌ / / الله يقومكم بالسلامه حرام الوجه الحلو هذا يتشوه ؛
وبسرعه اتحولت نظره الاعجاب هذي الى نظره احتقار ، وقال
كلكم زي بعض وطلع ، من الغرفه
%%%%%%%%%%%%%%%%%%%%%
وسن // طلعت من المستشفى اليوم التاني وراحت بيتهآ
وكانت نفسيتها مره صعبه ، كيف تقدر تعيش وحيده لا اب ولا ام ولا اي اقارب
بس كانت جارتهم ام حمد هي الوحيده اللي تزورها لانها صديقه امهـآ
%%%%%%%%%%%%%%%%%
( ( بيت ابو عزام ) )
عادل // الووو
عصام // سلام
عادل // هلا عصام
عصام // نايم ؟
عادل // لآإ والله ارقص
عصام // مصري ولآ خليجي ، هه هه هه
عادل // سخيف ( ويقفل بوجهه )
ويرن مره تانيه
عادل // اعوذ بالله ، ويرد الو وجع . وش تبي ؟
عصام // ههههههههه وش في الاخلاق قافله
عادل // ياخي مانمت الا الفجر وش تبي خلصني
عصام // ماينفع ع التلفون تعال المستشفى ضروري
عادل // ياليل المستشفىآ وراي وراي
عصام // بلآ هذره وتعال < ويقفل قبل يسمع الرد
ينزل عادلً ويحصل امه وابوه جالسين بالصاله ، ويصبح عليهمً ويحب راس ابوه وامه
ام عزام // هلآ حبيبيٌ ، غريبه صاحي بدريٌ واليوم خميسً ؟
ابو عزام // زين شفناك ياوليدي ، صاير ماتنشاف / حتىآ جدتك تشتكي منك
عادل // ههههه والله مو بيدي يابو عزام تعرف انت انا دكتور ومشهور ومزيون ووقتي موب ملكي
سجى ، نازله من ع الدرج
بدأ الدكتور المغرور ، قال ايش دكتور ومشهور ، ياعمي روح والله محد درىآ عنكً ، وتجلس جنب ابوهأ
عادل / / ترا الحين موب فاضي لك بس برجع لك بعدين
سجىآ // ههههههههه يمه خفت مره ،
ابو عزام وهو يضحكَ // سجىآ وبعدين
عادل //خلها يبه انا اعرف دواها ويقوم
عادل //على فكره يبه
ابو عزام// خير ياولدي
عادل//ترى جدتي تبغى تروح بيت عمي سعد تقول تبي احد تسولف معه
ام عزام// والله انها صادقه كلنا مشغولين عنها
ابوعزام// خلاص انا اليوم اوديها
عادل// يالله عن اذنكم
%%%%%%%%%%%%%%%%%
.{.. بيت عبير ..}
عبير// غريبه اليوم سجى مادقت علي وتقوم تدق على سجى
سجى// الووو
عبير // سلآم
سجى // اهلين
عبير// كيفكـ سحى
سجى // تمام وانتي كيفكـ
عبير// والله انا زعلانه عليكي
سجى ترفع حاجبها // وتقول : ليش عسى ماشر ؟
عبيير // ماأدري عنكـ اجل اليوم تطلعين بدون ماتسلمين غريييبه
سجى // هاااهـ لآ والله طلعت مستعجله ونسيت
عبير // اها نسيتي
سجى // عبير بدون لف ودوران وش بغيتي
عبير//..... ناديه ..:::
سجى // وشفيها ناديه
عبير // ياسجى ناديه اخلآقها زفت وتكلم شباب حرام وحده زيكـ تمشي معها
سجى // ومن وين تعرفين ياأم العريف ,انا ماشفت عالبنت شيء
عبير // لآ والله تبغينها تكلم وانتي معها
سجى // والله انا مرتاحه معها وماراح اتركها
عبير // خساره ياسجى اذا تبيعين صداقتنا عشان وحدهـ زي ناديه
سجى // عبير انتي مكبره الموضوع اكثر من اللازم
عبير//على العموم انا نصحتك وانتي حرهـ باي
سجى بعد ماقفلت عبير قعدت تفكرفي كلامهاوتقول " حرام احكم على ناديه وانا ماشفت عليها شي وبعدين ناديه مره طيبه معي " اف راسي
عورني خليني اناااام احسن 0
%%%%%%%%%%%%%%%%%%
{{بيت ام عامر}}
عامر::يمه يمه
ام عامر::انا في المطبخ تعال
عامر::سلام عليكم
ام عامر::هلا وغلا يمه
ويروح عامريحب على راس امه
عامر::كيفك يالغاليه الحين
ام عامر::لا الحمدلله احسن ليه رجعت بدري؟؟
عامر::والله كان بالي مشغول عليك لان شكلك في الصباح مره تعبانه والله يهديك ماخليتيني اوديك للمستشفى
ام عامر::يابعد عمري ياعامر .الله يخليك لي وافرح بك انت واخوانك.كل السالفه شويه صداع واخذتلي
حبتين وراح
عامر::طيب وش طابخه لنا اليوم ؟؟
ام عامر::كل الاكل الي تحبه .بس انتظر اخوانك يجون ونتغدى سوى
عامر::زين اجل بروح غرفتي اريح شوي واذا جو صحيني
ام عامر::انشاءالله
%%%%%%%%%%%%%%
{{ المستشفى}}
عادل::انت وش قاعد تقول انا ماني فاهم شي
عصام::ياخي فتح مخك شوي اقلك اللي مات ماهو ابوها لان الاسم مختلف
الشخص اللي مات اسمه مبارك سالم الـ00000 والبنت اسمها وسن سعد صالح الـ 0000
عادل::طيب انا وشدخلني فيهم
عصام::اقرى اسم البنت زين وقلي مايذكرك بشي "ويعطيه الورقه
عادل يقرى الاسم وينصدم معقول تكون هي
عصام::والله ياعادل مدري بس كيف هي تقول ابوي والاسم مختلف
عادل::طيب تعرف تلفونها او.عنوانها
عصام::المشكله انها طلعت وانا ماكتبت لها خروج وحتى ماراجعتنا عشان الجرح الي
بخدها ,ولا فية اي معلومات عنها
عادل::انالله يعني يوم نلقاها تختفي مرة ثانية
عصام::طيب وش بتسوي بتقول لعامر
عادل::اكيد هذا أخوها ولو انة مابيستفيد شي بس لازم يعرف
عصام::طيب على راحتك
ويروح عادل عند عامر
%%%%%%%%%
في بيت عامر
عامر::حيالله ولد العم زارتنا البركة
عادل::الله يسلمك بشرني عنك وكيف خالتي سارة وينها مااشوفها
عامر::والله كلنا بخير وسهالة والوالدة عند ام علي تقول انها تعبانة
عادل::هههههههههههههههههه والله ام علي هذي ماخذة عقل جدتي فاطمة وخالتي ام عامر بعد
عامر::عاد هذي جارتهم القديمة ومستحيل ينسونها تصدق ان امي حاولت فيها اشتري بيت اكبر وننقل فية
مارضت عشان ام علي هذي اللي ماهي عاجبتك ههههه
عادل ::الله يديم المحبة بينهم
لحظة صمت
عامر::عادل فية شي حاسك مو على بعضك
عادل::والله مدري وش اقولك
عامر::عادل تكلم تراك خوفتي
عادل::تتذكر موضوع اختك وسن ؟؟
عامر::الله يرحمك يايبة ليتك قلتنا اي شي يدلنا عليها تدري عادل ان الموضوع هذا مشغل بالي
بس ما بيدي حيلة وين ادورها يعني
عادل يرفع رآسة ويقول لعامر السالفة
عامربفرحة::قول والله انك تتكلم جد ترى ماني فاضي لمزحك البايخ
عادل:: والله العظيم اتكلم جد بس
عامر:: بس ايش؟
عادل::بس البنت خرجت من المستشفى وماعندنا اي معلومة عنها
عامر بخيبة أمل:: اجل لية جاي تقولي مدام ضاعت مرة ثانية
عادل::ياعامر كان لازم تعرف والحمدلله مدام انها في السعودية انشاءالله نلاقيها
عامر::هه لية من صغر السعودية عشان نلاقيها
عادل:: خل املك بالله كبير وانشاءاللة يجمعكم في يوم
عامر:: آمين
%%%%%%%%%%%%%%%%%%%%%
بعد مرور6شهور
{{في المدرسه}}
قاعده ومنزله راسها وتجي عهود وتجلس جنبها //هاااي وسونه
ترفع راسها وتبتسم //هااياات
عهود // وشفيك ياعمري ليه زعلانه؟ الي صار قضاء وقدرولازم تعيشين حياتك ماتستسلمين كذا
وسن //اهـ ياعهود كيف تبغيني اعيش حياتي, انا انتهيت يوم ماتوا اهلي ,,وتصيح
عهود تقرب منها وتحضنها // هدي ياعمري هدي
وسن وهي تبكي// ياعهود كيف اعيش بروحي ,, عارفه اني ماقدر انام باليل واجي المدرسه مواصله
علشان اخاف انام ويطب علي احد ...
عهود//!!!!!!!!!!!
وسن // ادري اني ضيقت خلقك بس سامحيني
عهود// لاوالله بالعكس زين يوم تكلمتي عشان ترتاحين
وسن// اهـ اناوين والراحه وين بس الحمدلله على كل حال
%%%%%%%%%%%%%%%%%%%%%%%%%%%
نهايه الجزء الاول
م ن ق و ل
يتبع ..
11/8/2011, 7:43 pm من طرف اااـوجى
» طالبه قصت شعر زميلتها تعالو شوفو كيف ..
11/8/2011, 7:17 pm من طرف اااـوجى
» منتديات عالم الايمو http://www.emo.fh4y.com/vb/
8/7/2011, 9:29 pm من طرف ♥crAzY-gIrl♥
» قصة اتمووت من الضحك أدخلي و شوفي بنفسك
8/7/2011, 9:23 pm من طرف ♥crAzY-gIrl♥
» قصة رعب لكن؟؟؟
8/7/2011, 9:21 pm من طرف ♥crAzY-gIrl♥
» قصة مؤترة واقعية ادخلو ارجوكم......
8/7/2011, 9:20 pm من طرف ♥crAzY-gIrl♥
» قصه تخووف الي ماااااااايخااف
8/7/2011, 9:18 pm من طرف ♥crAzY-gIrl♥
» الكل يدخل ضروووري
8/7/2011, 9:16 pm من طرف ♥crAzY-gIrl♥
» مرحبا
8/7/2011, 9:13 pm من طرف ♥crAzY-gIrl♥
» طفل يعرب كلمة فلسطين .........
8/7/2011, 9:05 pm من طرف ♥crAzY-gIrl♥